WILLEMSTAD.- Relashoná ku dia di outonomia awe, bario di Muizenberg (bieu) a organisá su dia di patriotismo riba plenchi Delta. Esaki ta organisá pa Fundashon Bienestar di Muizenberg. E programa a kuminsá for di 9 or di mainta i ta dura te awe nochi kuartu pasa di 10. Kemen ainda tin chèns pa por pasa Muizenberg un ratu.
Parti mainta a duna rekonosementu na Ishair Monte i tambe na Marvin Dunlop komo baluartenan di e bario ku e promové patriotismo. Minister van Heydoorn tabata presente pa a entrega e rekonosementu i tambe a pone nos hóbennan deportista den e lus positivo di dia tambe ku medayanan. Riba e kombinashon di foto un bista di e selebrashon. I awe atardi tin entre otro Steelband i diferente agrupashon musikal mas i ta klousura ku Oriri mas anochi.
