Presidente di asamblea nashonal Jorge Rodriguez ta aki huntu ku su delegashon pa e diálogo ku ta kuminsá na Venezuela
CARACAS, VENEZUELA, AFP.- Gobièrnu interino di Venezuela i un sektor di oposishon a kuminsá djaweps na Caracas un diálogo bou di mediashon di Merka, ku por habri kaminda pa un transishon polítiko i eventualmente pa elekshonnan na Venezuela. Esaki a konstatá pa un fotógrafo di AFP ku tabata invitá pa kubri e apertura di e proseso.
E kombersashonnan aki, sin presensia di e lider di oposishon, María Corina Machado, kende a haña e Premio Nobel di Pas, a kuminsá shete luna despues ku e mandatario Nicolás Maduro a keda detené durante un operashon di Merka. Despues di esaki, e eks visepresidente Delcy Rodríguez a asumí e presidensia interino, ku e ta ehersé bou di fuerte preshon di Washington.
Miéntras tantu Merka ta yama bon bini na e opositor Dinorah Figuera pa kuminsá e diálogo ku gobièrnu pa un transishon polítiko.
Washington ta sostené e kòmbersashonnan, den kua e lider opositor prinsipal di Venezuela Maria Corina Machado no ta partisipá.
