NEW YORK (AFP).- Outoridatnan penitensiario di Merka lo liberá Sean “Diddy” Combs riba 8 di mei di 2028, di akuerdo ku un registro di prezunan, despues ku e sinta mas ku kuater aña pa delitonan relashoná ku prostitushon. Fiskalnan a demandá 11 aña di prizòn pa Combs di 55 aña, pero e wes di distrito, Arun Subramanian, na kuminsamentu dje luna’kí a dikta sentensia di 50 luna i un multa di 500.000 dòler .
E defensa di Diddy a apelá, loke por afektá e fecha indiká pa Ofisina Federal di Prizònnan. E fecha ta mustra e tempu ku e astro di ‘hip hop’ ya a kumpli den un prizòn di Brooklyn. Combs den yüli a keda apsolvé pa un hurado di akusashonnan mas grave kontra di su persona, manera tráfiko seksual i krímen organisá, pero el a keda kondená pa dos akusashon di transporte di personanan ku meta di prostitushon.
Subramanian a bisa di ta obligá pa lei pa dikta un sentensia ku ta reflehá gravedat dje “delitonan grave” di Combs, kual nan segun su persona, “a hasi daño di forma ireparabel na dos hende muhé”. E propio Subramanina a señalá ku e kastigu imponé ta hopi mas abou di loke a rekomendá, di 70 pa 87 luna. El a bisa Combs di tin konfiansa ku lo e “probechá mas tantu posibel dje di dos oportunidat. Combs yorando a bisa na tribunal ku e ta “berdaderamente arepentí” pa loke el a hasi.
E kantante a pidi despensa na su famia i na su íktimanan, bisando ku su komportashon tabata “repugnante, bergonsoso i enfermo”.
