BUFFALO, MERKA, AFP.- Un hòmber di 18 aña, fuertemente arma a tira 10 hende mata djasabra den un tienda di Buffalo, New York. E motivashon pa e atake ta rasismo, kual a wòrdu di live-stream riba kámara, segun indikashon di outoridatnan.

E hòmber, ku tabatin un chaleko i tambe hèlmu, a keda detené despues di e masakre, segun indikashon di Joseph Gramaglia, e komisario di Polis di Buffalo den un konferensia di prensa.

Gramagia a bisa ku 10 a muri i 3 ta heridá. Diesun víktima tabata afroamerikano.

E atakante a tira kuater persona riba tereno di parker di Tops Supermarker, i despues di esaki el a drenta den e tienda i sigui tira, segun indikashon di Gramaglia.

Entre esnan ku a muri den e tienda tin un agente polisial ku a baha ku penshun i kende tabata traha komo seguridat den e tienda. El a agregá ku na yegada di polis, e atakante a pone su arma na su garganta pero a logra konvensé otro i el a baha su arma.

 

LAGA UN KOMENTARIO

Please enter your comment!
Please enter your name here