HARARE, ZIMBABWE, AP.- E renunsia di Robert Mugabe, kende tabata 37 aña na poder den Zimbabwe, a kumpli ku demanda di diferente nashon oksidental, na momentu ku nashon uni a pidi e pueblo afrikano pa keda kalmu.

E promé minister britániko, Theresa May a afirmá ku e renunsia di Mugabe ta duna Zimbabwe “un oportunidat pa konstruí un kaminda nobo liber pa opreshon ku e gobernante a konstruí”.

May a afirmá ku e pueblo di Zimbabwe a mustra su deseo di efektuá “elekshon liber i transparente i oportunidat pa rekonstruí e ekonomia di e pais bou di un gobièrnu legítimo”.

Gran Bretaña, ta e “amiga mas bieu di Zimbabwe” i “lo yuda e pais pa logra un futuro briante ku e meresé”, asina el a agregá.

Mugabe a renunsiá djamars despues di 37 aña na poder na momentu ku parlamento Zimbabwense kier a kuminsá e proseso pa kit’é di su posishon mediante un huisio polítiko.

E kansier britániko Boris Johnson a bisa ku e gobernante a hasi su pais pober i su salida ta un momentu di hubilo pa Zimbabwe.

E embahada di Merka na Zimbabwe a bisa ku e dimenshon “ta marka un momentu históriko” pa e pais afrikano i a felisitá e pueblo di Zimbabwe.

 

LAGA UN KOMENTARIO

Please enter your comment!
Please enter your name here