SIRIA, AP.- Forsanan respaldá pa Merka ku ta kombatiendo e grupo Estado Islámiko a atmití ayera ku nan ta topando ku difikultat den saka e milisia di e último parti ku a keda na Siria.
E kantidat di mina i tùnelnan ta strobando e akshon den e pueblo di Baguz, asina un bosero di forsanan indiká. El a añadí ku e nesesidat di protehá e muhé i muchanan den e aldea ta hasiendo e operashon mas poko poko.
Hopi hòmber i muhé tabata kana na Baguz ayera siendo opservá pa Forsanan Demokrátiko di Siria for di un seru den serkania.
E bosero di FDS Kino Gabriel a bisa ku e kampamentu tin 25 kilometer di largura, meskos ku sinku siman pasa e mishon tabata serka di kumpli. “Nos ta topando un seri di difikultat den e operativo aki”, asina Gabriel a indiká na reporteronan.