WASHINGTON, AP.- Un diplomátiko a revelá mas prueba di presidente Donald Trump su esfuersonan pa preshoná Ukrania pa investigá rivalnan polítiko, na komienso di e promé oudiensianan públiko den e di kuater proseso di huisio polítiko ku ta realisá kontra un mandatario den historia di Merka.
William Taylor, e diplomátiko prinsipal di Washington na Ukrania, a bisa ku un di su asistentenan a skucha Trump puntrando un otro embahador tokante e “investigashonnan” ku e ta rekerí di e lider ukraniano.
E republikanonan a bisa ku e grupo demókrata tin konosementu di e akusashonnan ku Trump a tene miónes di dòler destiná pa yudansa militar pa e nashon Europeo na Ost, kual ta konfrontando un agreshon ruso. Trump ta akusá di kier a destiná e plaka a kambio pa Kiev investigá eks visepresidente Joe Biden i Komité Nashonal Demókrata.
E oudiensia a aportá na vários ora di interkambio partidista. Trump, kende a risibí presidente turko Recep Tayyip Erdogan, a bisa ku e ta “demasiado okupá” pa kontinuá ku e proseso.
Riba e dia largu di testimonio, dos diplomátiko a deskribí ku tabatin gran kondishon entre e gobièrnu merikano i euro-asiátikonan di Departamento di Estado.