ROMA, AP.- Merka i Rusia ainda ta distansia pa ku e tema di e krísis venezolano. Esaki ta konforme representantenan di e pais despues di kombersashonnan na Italia.
Elliot Abrams, e representante spesial di Donald Trump su gobièrnu pa Venezuela, a reuní u e vise kansier ruso Serguei Ryabkov pa analisá e situashon den e pais suramerikano.
“No tabatin un konsenso, pero e kombersashonnan tabata positivo debí ku ámbos parti e komprondé e otro banda su posishon”, asina Abrams a bisa na prensa despues di e reunion den un hotèl na Roma.
El a agregá ku “ta perfektamente posibel” ku e dos partinan ta bolbe reuní, pero no a fiha un fecha.
Rusia, respaldá pa e gobièrnu di Nicolás Maduro ta akusá Merka di interferí den asuntunan interno di Venezuela, preshonando e pa renunsiá i entregá poder na e dirigente opositor Juan Guaidó.
Den deklarashon na periodistanan ruso, Ryabkov a enfatisá e nesesidat pa mantené un kombersashon ku Washington, pero a atvertí ku Merka no mester intervení militarmente.
Trump a bisa ku tur “opshon ta riba mesa”, pero Moscow no ta di akuerdo pa usa forsa militar, segun Ryabkov.
“Nos a atvertí Merka pa no adoptá e enfoke aki”, segun indikashon di Ryabkov den deklarashonnan reprodusí pa agensianan di notisia estatal Tass i RIA Novosti.
