BURBANK, CALIFORNIA, MERKA, AP.- Disney a informá djamars ku el a asumí e kontròl operativo kompleto di Hulu, un intento pa amplia su alkanse riba e área di servisionan di streaming.
NBCUniversal ta poseé 33% di Hulu. Segun e akuerdo, Disney por eksihí Comcast, kual ta doño di NBCUniversal, pa bend’é su partisipashon konforme e balor di merkado den futuro. Disney a garantisá un preis di benta na balor di 27.500 mion dòler. Adishonalmente, Comcast por eksihí Disney pa kumpra su partisipashon na komienso di 2024.
Disney posiblemente lo inkluí Hulu den su próksimo servisio di streaming enfoká riba menornan di edat, Disney Plus i su Servisio deportivo, ESPN Plus, segun indikashon di e ehekutivonan siman pasá.
Aktualmente, Hulu ta ofresé un servisio di 6 dòler pa luna. E usuario por wak serienan original i programanan di televishon despues ku esaki a wòrdu transmití na televishon di forma tradishonal. Mas resientemente, e kompania a krea un servisio di transmishon bibu, ku 45 dòler pa luna.
AT&T logra haña parti di Hulu temporada e kompania a kumpra Time Warner na aña 2016, invirtiendo 583 mion dòler den Hulu. Aktualmente, e kompania konosí komo WarnerMedia, ta lansando su propio servisio di streaming, kual lo ofresé kontenidonan di HBO i otro empresanan propiedat di e kompania.
NBCUniversal lo haña su servisio di streaming desde 2020.
