Agentenan di ICE ta klèsh ku manifestantenan dilanti di Delaney Hall na Newark
NEWARK, MERKA, AFP.- Manifestantenan a enfrentá ku polis merikano serka di un sentro di detenshon di inmigrante na New Jersey, segun indikashon di un funshonario djabièrnè. E protestanan a kuminsá despues ku algun detenido a kuminsá ku un wèlga di hamber pa denunsia e kondishonnan den e sentro.
Despues di vários dia di protesta dilanti e sentro di detenshon di ICE na Newark, vários persona a keda arestá. Esaki ta sosodé miéntras e polítika di migrashon estrikto di e gobièrnu di Donald Trump ta generá un oposishon fuerte.
E sekretario di Seguridat Nashonal, Karkwayne Mullin, a skibi riba X ku alrededor di 100 persona kontra ICE a reuní dilanti e sentro di Delaney Hall.
Segun Mullin, algun manifestante a morde, skòp i gòlpia e agentenan polisial. El a agregá ku a detené nuebe persona.
Imágennan publiká pa medionan merikano a mustra vários konfrontashon entre manifestantenan i polis, ku a usa gas lakrimógeno.
Delaey Hall ta un sentro privá ku ICE ta usa pa 1.000 persona. E ta funshoná desde 2025, meimei di un kampaña di e gobièrnu di Trump pa deportá miónes di inmigrantenan indokumentá.
E senador demókrata di New Jersey, Cory Booker, a bishitá e sentro i a bisa ku mayoria persona ku el a papia kuné no tin antesedente penal ni a keda akusá ku delitonan violento. El a pidi pa sera Delaney Hall.
