BERLIIN, AP.- Mas di 120 polis a resultá heridá i 86 manifestante a keda detené durante disturbionan den e kapital aleman protagonisá pa sektornan di iskierda, kalifiká pa polis komo “e protestanan mas agresivo i violento den último sinku añanan”. Polis di Berlin a bisa djadumingu ku e manifestantenan a tira bòter i kohete i a destruí outonan i ataká agentenan. Solamente unu a rekerí tratamentu den un hospital. No ta kla kuantu manifestante a sufri heridanan.
Mas o ménos 3.500 manifestante a partisipá den protestanan di djasabra anochi i te mardugá di djadumingu, e aktivistanan a organisá un marcha pa protesta pa e desaloho di intrusonan den edifisionan den e sektor oriental di e siudat luna pasá.
Mas o ménos 1.800 mester a vigilá e protestanan.
