WILLEMSTAD.- Awe e plataforma digital di EXTRA Curaçao lo presentá  un entrevista ku dos hóben artista  yu’i Kòrsou  Juny Martina  i Jules ku tabata serka nos direktamente for di Hulanda, pa promov’é nan EP nobo titulá “H2PRTY”.

Ta trata di algun hóben ku ta super positivo bezig na Hulanda produsiendo kantikanan den género di entre house, hip hop, rèp, drill, regeaton etc.

Jules ta esun ku ta fungi komo DJ, miéntras Juny Martina  ta rèp.

Nan ta 3 hóben inkluso Josh ku no tabata tei presente, pero ku tambe ta forma parti di e grupo.

E EP ku nan a saka tin 8 kantika riba dje di kual 2 a sali kaba anteriormente. Ta trata di e kantikanan “Baila malu pasa bon” i “ Peki Bad Gyal”. Nan a bisa ku aworakí nan ta push e EP, pero prinsipalmente e kantikanan na Fiesta ku  “Li”.

Tur nan kantikanan ta na papiamentu i por haña nan  riba tur plataforma di internèt i asta por solisitá nan na radionan lokal. E grupo ta disponibel na Hulanda pa kualke fiesta òf hasimentu di aña i ta spera ku despues di e ‘lockdown’ nan por presentá den kualke evento grandi.

Subi bo plataforma di EXTRA awe pa 9 or di anochi pa bo por mira i tende mas di e hóbennan aki.

LAGA UN KOMENTARIO

Please enter your comment!
Please enter your name here