WILLEMSTAD.- E aña aki e tradishon di San Juan ta sigui na Club Union Boneriano djabièrnè, 23 di yüni awor ku bulamentu di kandela i músika típiko kultural Boneriano. Club Union Boneriano ta invitá un i tur na nan tremendo anochi di San Juan ku presentashon di ‘Grupo Karinjo’ for di Boneiru i Grupo Kompèr lo tei pa trese e músika netamente boneriano i piesanan spesífikamente dediká na Juan.
Grupo Kondjemba tambe lo tei pa asina e ambiente ta kompletu. E aktividat aki lo ta na Club Union Boneriano, djabièrnè awor, 23 di yüni di 8’or di anochi pa 2’or di mardugá.
Karchi delantá ta optenibel for di awe djaluna te ku djaweps di 9’or di mainta pa 12’or di mèrdia. Riba djabièrnè lo bende karchi delantá for di 9’or di mainta te ku 6’or di atardi.
Pa mas informashon por yama 515-1606 òf 561-5666.

LAGA UN KOMENTARIO

Please enter your comment!
Please enter your name here