WILLEMSTAD.- Djabièrnè awor, 25 di ougùstùs pa 8’or di anochi lo tuma lugá den Teatro Luna Blou e presentashon dje dokumental ‘Mama Africa’.
Un dokumental tokante e bida artístiko, polítiko i personal dje kantante Sur Afrikano, Miriam Makeba.
Un artista legendario ku a biba 31 aña den eksilio, ku a konosé e éksitonan di mas grandi den mundu artístiko, pero tambe tragedianan personal.
Introdukshon i seshon di pregunta lo ta na enkargo di Roland Colastica.
Un di dos presentashon di ‘Mama Africa’ lo tuma lugá dia 30 di ougùstùs pa 7’or di anochi.
Karchinan ta optenibel na Mensing’s Caminada i 3 ora promé ku presentashon na Takia di Teatro Luna Blou.
