WILLEMSTAD.-Ta spera ku pa djabièrnè por habri Girobank bek. Banko Sentral a yega na un suma di 10 mil florin hustamente pa kubri e gran mayoria di klientenan ku tin kuenta na Girobank. Na palabra dr. Jose Jardim direktor finansiero ekonómiko di Banko Sentral di Korsou i St.Maarten.
Den un konferensha di prensa Banko Sentral su presidente interino Bob Traa i direktor finansiero ekonómiko Jardim a duna splikashon riba e desaroyonan den Girobank. Jardim a indiká ku Giro tin 27 mil kliente i ku e desishon pa pone un máksimo di 10 mil florin pa kada kliente lo nifiká ku 25 mil di e 27 mil klientenan por hasi uso di nan sènnan kompletamente. Pa awor aki mester tene Giro será pa kaba di atendé e prosesonan interno. Pa djabièrnè awor ta spera di habri e banko bek pa sigui duna servisio. Pa penshonadonan e direktor a bisa nan mester keda trankil pasobra e sèn ku drenta nan por disponé di dje sin problema. Meskos ta konta pa trahadónan, tur plaka ku keda depositá for di awor na Giro e klientenan por hasi uso di dje sin problema. Mas detaye den EXTRA.
