Djasabra 8 febrüari por kuminsá pone stènt pa wak karnaval

WILLEMSTAD.- Ministerio di Planifikashon Urbano i Transporte a emití un informashon ku sigur esnan ku ta stima karnaval ta pendiente di dje. Ta asina ku dia 8 di febrüari próksimo e grupo grandi di hendenan ku ta para na banda pa gosa di nos karnaval por kuminsá harma i traha nan stènt i stèlashi kantu di kaya riba e ruta di karnaval.

For di awor ta bai e petishon pa tur hende tene nan mes na regla i yuda outoridatnan kontrolá e situashon. Kaminda tin mester avisá outoridatnan kaminda ku tin kosnan robes ta tuma lugá. E tim di prekario ta duna tur splikashon di reglanan ku mester tene kuenta kuné pa loke ta trata konstrukshon di stènt i stèlashi.

Algun detaye importante ta pa:

Kòrda lesa e pèrmit di prekario karnaval i mantené na e reglanan stipulá.

Mester tin e pèrmit òf kopia di e pèrmit tur momento.

Mester pega e steker/barcode na e konstrukshon.

Haltura máksimo di e stèlashi i/ òf stènt ta 4 meter.

Haltura máksimo di flur ta 1 meter.

Mas detaye den edishon di EXTRA

SHARE

LEAVE A REPLY