WILLEMSTAD.- Asuntunan Públiko esta Kranshi di e ministerio di Maneho di Gobernashon, Planifikashon i Servisio Públiko ta rekordá pueblo en general ku djasabra, 15 di novèmber 2025, e ta habri 1 dia èkstra pa solamente pa hasi petishon di pasport sin sita pa e dia aki.
Kranshi ta habri e djasabra benidero di 8:30 di mainta pa 2:00 di tra’i mèrdia. Komo ku e petishonnan pa pasport ta oumentá fin di aña Kranshi ta hasi esfuerso pa garantisá un servisio optimal. Ta ofresé e servisio èkstra aki, spesial pa siudadano haña e oportunidat pa saka nan pasport sin un sita trahá. Tumando na kuenta ku e djasabra aki no tin sita delantá palabrá por surgi un tiki tardansa ku nos lo trata di limitá e tempu di espera mas tantu posibel.
E rekisitonan nesesario pa saka un pasport nobo, por haña riba e website di gobièrnu di Kòrsou ku ta www.gobiernu.cw i bai LOKET DIGITAL.
Tuma bon nota: Kranshi ta risibí pago solamente via swipe òf depositá e montante na banko i presentá ku e prueba di pago ‘hardcopy’.
