WILLEMSTAD.- Jazz Meets Cultures ta nòmber di un konsepto úniko kaminda ku e músika Jazz ta topa kultura; ku esaki ta referí na nos géneronan lokal manera Tumba, Seú, Simadan, Tambú, Kizomba, Reggae, Ritmo Kombiná, Zouk i Son Montuno huntu ku e integrashon di Jazz. E konsepto aki ta keda trese dilanti den forma di un konsierto ku e meta pa rekoudá fondo pa por yuda nos hóbennan ku desaroyo di nan talento den músika i baile. Na 2011 tabata e promé edishon di Jazz Meets Cultures, kua e tempu ei a tuma lugá na Landhuis Groot Sta. Martha i mester remarká ku tabata un éksito rotundo.
Dia 23 di yüni próksimo ta dia di e di dos edishon di Jazz Meets Cultures na Landhuis Brievengat di 8’or pa 11’or di anochi. Ta e intenshon pa e evento aki bira unu anual den luna di yüni!
Músika
Jazz Meets Cultures 2018 lo konta ku presentashon di solamente nos artistanan lokal, dunando realse na nos yunan di tera. Dennis Aalse i su Big Band huntu ku Rendell Rosalia riba perkushon lo lo kompañá e kantante- i bandanan den e fushon di jazz ku otro géneronan musikal.
Esnan ku lo presentá e anochi aki, ta: MC Chris Strick i Ridlaz; Reinier Lijfrock; Kantadó Mayó 2017 Rashid Felida; Kantadó Mayó 2018 Furgell WIjngaarden; Grupo Kompèr ku Isaïr Monte i Neny Domacasse; Grupo Rítmiko Sablika ku Ella Bernabela i Damisha Reed-Gregorio; Ray Lauffer; Roald Balentien; Amos Balentin; Urvin ‘Luwi’ Jano; Grupo Trinchera ku Merly Augusta i Niata Augusta; Æmi NiaFeliz; Andrew Aalse;
Djuric Virginie; Ivan Belfor i Uprising Reggae Band ku Aisha Lucas.
Entrada
Karchi di entrada ta optenibel na 24 uur uit de muur, Beep Beep, Mensing’s Caminada, Fusions Restaurant & Bar, Gazini Sun Moon Saliña; Van den Tweel Zeelandia Curacao and Janthiel; Gosie Grill, 4th of July Snack i ticketscaribbean.com
Karchi pa sekshon di VIP ta optenibel na 685-0650. Na kompra di 5 karchi òf mas, por hasi entrega!

LAGA UN KOMENTARIO

Please enter your comment!
Please enter your name here