SACRAMENTO, CALIFORNIA, AP.- E ofisina si sekretario di hustisia di California a akusá e dòkter Conrad Murray di inkompetensia i negligensha den un intento pa revoká su lisensia permanentemente di ehersé medisina.
Murray, e dòkter sentensia pa asesinato involuntario relashoná ku e morto di Michael Jackson na 2009, awor tin su lisensia suspendé.
E lisensianan suspendé por wòrdu renobá, pero esnan revoká si no por wòrdu renobá.
Luns pasa e sekretario di hust isia a agregá akusashonnan nobo di un investigashon ku ta keda hasi aktualmente pa Konseho di Médiko di California, segun e korant Los Angeles Times.
E abogado di Murray,Valerie Wass a bisa ku e dòkter lo duna kontesta riba kargonan nobo.
Murray di 59 aña, a keda sentensia na 4 aña di prison, enkarselá na novèmber despues ku fiskalnan a bisa ku e no a kumpli ku su kriterio médiko di eksedé pedidanan di e astro di pop pa uza remedinan di sirugia pa e por logra drumi.
