CARACAS, VENEZUELA, AFP.- Un dòkter kolombiano a wòrdu detené na Venezuela pa “bende” un remedi ku ta usa pa pashèntnan ku COVID-19 i kual ta wòrdu distribuí grátis pa gobièrnu”, asina fiskal a informá djárason, despues ku Colombia a anunsiá e detenshon aki.

E fiskal general di Venezuela, Tarek William Saab a konfirmá esaki den un deklarashon na televishon.

Ta trata di e kolombiano Antonio Amell, dòkter di Hospital Dr. Enrique Sequera de Valencia, di estado Carabobo. E ta parti di 46 hospital bou di supervishon militar a atendé ku pashèntnan ku Corona vírus.

Colombia a rechasá e detenshon arbitrario di Amell i a pidi organismonan internashonal di protekshon di derechi humano pa eksihí su libertat inmediatamente”, asina e kansier kolombiano a tweet.

Caracas a kibra relashon ku Colombia febrüari aña pasá pa motibu ku e pais a rekonosé e hefe di parlamento Juan Guaidó komo presidente interino i legal di Venezuela.

 

LAGA UN KOMENTARIO

Please enter your comment!
Please enter your name here