VALHALLA, NEW YORK, AP.- Un ohochi di 11 luna a wòrdu separá despues di un operashon largu den un hospital na New York.
Un ekipo di 50 persona a traha riba e operashon delikado di 21 ora pa separá Ballenie i Bellanie Camacho na Maria Fereri Children’s Hospital na Valhalla. E prosedimentu a kuminsá 17 di yanüari.
E ohochinan tabata pegá ku un wesu den lomba. E beibinan i nan mayor tabatin un enkuentro ku prensa djamars. E famia ta di República Dominicana.
E siruhano Samir Pandya a bisa ku e “sirugia largu” lo duna e ohochinan e “oportunidat pa un mihó bida”.
E rumannan lo pasa vários siman rekuperando den e hospital. Dòkternan a bisa ku e pronóstiko ta bon.