Sostenedónan dje grupo nashonalista ‘Antigua Orden Dominicana’ ta zuai ku bandera dominikano durante di un marcha kontra di imigrashon haitano den e kapital dominikano.
SANTO DOMINGO (AFP).- Desena di dominikanonan nashonalista a protestá ayera kontra di migrashon iregular haitiano i a pidi e presidente Luis Abinader vigilansia mas severo na fronteranan pa detektá esnan sin dokumento ku ke drenta e pais.
Rep. Dominicana for di 24 di aprel último a kuminsá eksigí dokumento di estranheronan den hospital públiko komo parti dje 15 medidanan anunsiá pa e gobièrnu di Albinader pa kontené emigrashon ilegal. Esei tabata un dje promesanan dje presidente durante e kampaña promé ku su re-elekshon den mei di 2024.
Ta e di tres protesta konvoká e luna’kí pa Antigua Orden Dominicana, un organisashon nashonalista ku ta protestá kontra di “haitianización” dje pais kaminda ta biba 500.000 haitiano, segun sifranan ofisial.
Durante dje manifestashon, ku a tuma lugá den area di Parque Independencia, serka di palasio di gobièrnu, nan tabata ripití gritunan manera: “Que se los saquen ya”, “Tamo
jarto” (nos ta fadá), “República Dominicana pa dominikanonan”, “Haiti, rekonosé bo siudadananan”.
Miéntras ku e manifestashon tabata tuma lugá, dos vehíkulo grandi di migrashon ku haitianonan detené a pasa e manifestantenan, ku esakinan gritando “bai bosnan pais”, “p’afó!”,
Esmeralda Guerrero, un abogado di 59 aña, ta di opinion ku ta oké pa atendé muhénan haitiano ku ta duna lus den hospitalnan dominikano, pero ku despues nan mester regresá nan pais.
Haiti, e pais mas pober di region, ta batí pa un krísis sosio polítiko ku a bira mas grave despues di e asesinando dje presidente Jovenel Moïse riba 7 di yüli di 2021.
E violensia perpetrá pa gènnan ku ta kontrolá sigur 85% dje kapital Por-Au-Prince, a provoká ku den kareda di 11.6 mion habitante a bandoná nan kas i ta buska otro kaminda pa biba.
