WASHINGTON.- Presidente merikano Donald Trump un ratu pasá a informá di un akuerdo pa habri e aparato gubernamental merikano bek, pero pa 3 siman so. Di e forma aki ta stòp un paralisashon di e aparato gubernamental di 35 dia sin ku e presidente a logra e fondonan ku el a eksigí pa konstrukshon di e muraya entre Merka i Mexico.
Presidente Trump a yama danki na tur e empleadonan pa nan sosten na e lucha apesar ku nan a keda sin haña pago i tur e problemanan ku esei a trese kuné. Trump den mesun rosea a duna di konosé ku e ta hasi su esfuerso pa tur empleado públiko haña nan salario atrasá mesora òf sikiera mas lihé posibel.
E dil a resultá un kambio dramátiko despues ku durante sinku siman Trump a keda insistí ku e mester haña e fondonan nesesario pa konstrukshon di e muraya pa stroba imigrantenan drenta Merka. Mas detaye den edishon di EXTRA.
