Doño di trùk di pan a kuminsá limpia bek

WILLEMSTAD.- Manera EXTRA a informá ayera, pa di tantísimo biaha, funshonarionan di Xteam a keda dirigí pa Kaminda Tene Kòrsou Limpi ku ta keda den área di Klein Hofje.

Esaki despues di a hanja yamada ku deskonosínan lo mester a tira diferente sushi den e área kantu di kaminda.

Na nan yegada a tuma nota di e situashon i mesora a topa ku diferente bon i algun otro kos ku ta prueba ken ta esun responsabel pa e sushinan. A bin sali na kla ku ta un trùk di pan den área di Rooseveltweg ta kousante di tur e sushinan ku a keda tira di forma ilegal. Mesora a kuminsá ku investigashon i djárason mes a aserka propietario di e trùk di pan. Nan a responsabilisá nan mes pa e akto i a kuminsá limpia e sitio.

Pero ainda no ta kla. Funshonarionan di Xteam huntu ku Polis lo atendé ku e propietario pa lokual ku e la hasi òf lokual e ta responsabel pe i tambe e mester kaba di limpia e area ku no a keda kompletamente limpi.

SHARE

LEAVE A REPLY