DETROTI, AP.- E doño di kuater kachó Pitbull ku a mata un mucha di 4 aña mordiendo e na Detorit, a wòrdu sentensiá na un aña di prizòn i sinku mas di libertat kondishonal. Geneke Lyons a diskulpá djaweps ku e mama di Xavier Stirckland den korte di e kondado Wayne promé ku e sentensia a wòrdu lesá. Lyons a wordu deklará kulpabel di asesinato no boluntario. Hues James Callahan a sentensiá Lyons na sinku aña di libertat kondishonal. Xavier i su mama tabata kana den un bario na parti wèst i Detroit dia 2 di desèmber 2015 na momentu ku nan a wòrdu ataká pa tres kachó. E mucha a wòrdu lastrá bou di waya di un patio kaminda un di kuater kachó a uni e otronan den e atake. Polis mester a tira e tres animalnan pa liberá e kadaver di e mucha.
Lyons, di 42 aña no tabata na kas na momentu di e insidente, pero fiskalnan a opiná ku e mester ta responsabel pasó e kachónan no tabata kontrolá. Entre evidensia tabatin video di e atake, ku a laga algun hurado yorando. E mama di e mucha a deskribí e efektonan emoshonal di e atake miéntras e propietario di e kachó a wòrdu sentensiá.
Promé ku Geneke Lyons a wòrdu sentensiá pa asesinato no premeditá pa e atake brutal, Lucille Strickland a bisa na hues di kondado Wayne, ku e ta lanta tur mainta i sunchi pòtrèt di su yu Xavier, miéntras lágrima ta basha.
