WASHINGTON, MERKA, AFP.- Dos aña despues di e atake kontra Kapitolio di Merka, ainda polis ta buskando 350 partisipante inkluyendo e sospechoso ku a pone un bòm traha na kas serka di e sede di Kongreso un dia promé ku e atake di 6 yanüari 2021.
Den e último 24 lunanan tabatin mas ku 950 aresto, segun e sekretario di Hustisia, Merrick Garland, den un komunikado djárason, dos dia promé ku e di dos aniversario di e asalto.
“Nos trabou no a kaba” i “nos ta desidido pa sentensiá tur esnan responsabel pa e asalto kontra nos demokrasia”, asina el a agregá.
FBI a anunsiá ku ta purbando di identifiká 350 sospechoso i a bolbe pidi yudansa di públiko djárason último.
Aparte di esaki a oumentá e rekompensa di 100.000 pa 500.000 pa esun ku proveé informashon ku ta hiba na aresto di esun ku a pone e bòm riba 5 di yanüari serka di Kongreso. E bòm no a eksplotá.
