WILLEMSTAD – Awe den oranan trempan di mainta alrededor di 05.00’or, Tim di Aresto konhuntamente ku tim di Atrako a detené e hòmber R.B.v.T. di 21 aña di edat nasé na Kòrsou, na un kas den Kaya Falcon. E detenshon aki ta un kontinuando ku investigashon den e kaso di atrako ku morto ku a tuma lugá djárason dia 20 di ougùstùs 2025. Mas spesífikamente e kaso unda un atrakadó a pèrdè su bida na momentu ku polis dama a los tiru riba nan.
Despues e tim di Atrako a tene un entrada hudisial i a haña i konfiská algun artíkulo ku ta di importansia pa e investigashon Alrededor di 07.25’or a realisá e di dos detenshon di e hòmber L.D.B. di 20 aña di edat nasé na Kòrsou, tambe pa e kaso di atrako ariba menshoná.
Su detenshon a tuma lugá na un negoshi den parke industrial na Brievengat.
A presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon.
(foto file)
