ORANJESTAD.- Kuerpo Polisial Aruba ta informá ku reshèrshi ta den full swing investigando un kaso di tiramentu na Mandolinstraat na Dakota ku a tuma lugá 26 ougùstùs alrededor di 3’or di mardugá.
Polis ta splika ku sentral di polis a haña notifikashon ku lo a tira riba un hende hòmber den Mandolinstraat. Mesora sentral di polis a manda patruya di polis na e sitio huntu ku ambulans.
Na yegada di polis nan a topa ku un hende hòmber di 20 aña di edat heridá, dilanti di su kas na Mandolinstraat. Personal di ambulans a stabilisá e víktima i transport’é ku urgensia pa hospital. reshèrshi i polis tékniko a presentá na e sitio pa hasi nan investigashon.
Reshèrshinan di Oranjestad ta trahando duru i no ta deskartá ku lo tin mas detenshon den e dianan ku ta sigui aki. .
Kuerpo Polisial Aruba ta hasi un apelashon na hinter komunidat, ku kualke hende ku sa algu òf a mira algu pa yama e tiplijn di polis ku ta 11141.
