Un bista kon e hendenan tabata koriendo pa purba hui di e tiradónan na Bondi Beach
SIDNEY, AUSTRALIA, AFP.- Dos hòmber a tira 16 hende mata djadumingu na Bondi Beach na Sidney Australia, un di e playanan di mas popular, durante un selebrashon di e festividat hudiu Hanuká, un atake kalifiká di terorista i antisemita, pa outoridatnan.
Servisionan di emergensia a transportá 40 hende herida pa hospitalnan den e zona, asina polis di New Gales Suti a indiká. Un di e sospechosonan di e atake a muri i e di dos ta den estado kritiko asina polis a sigui bisa.
Promé minister oustraliano Anthony Albanese a deklará den un diskurso na televishon ku e atake tabata dirigí kontra e hudiunan oustraliano, den e promé dia di fiesta Hanuká, un festividat konosí komo e fiesta di lus, ku mester tabata un dia di alegria, un selebrashon di fe.
“Un akto di maldat, antisemitismo i terorismo ku a dal e kurason di nos nashon duru”, asina el a añadí, kalifikando di héroe e siudadanonan ku a enfrentá un di e tiradónan i a desarme.
Polis a kalifiká e tiroteo komo un akto di terorismo i a bisa di a haña artefaktonan eksplosivo improvisá den un vehíkulo serka di e plata, vinkulá na un di e tiradónan i nan a desarmá esaki.
