DAYTON, OHIO, MERKA, AP.- Dos legislador di Ohio a bolbe introdusí un proyekto di lei ku ta restringí akseso na arma di kandela, un siman despues di un tiroteo masivo na Dayton.

E senadornan estatal Cecil Thomas i Peggy Lehner, ta trahando riba e proyekto. Tomas ta demókrata i Lehner ta republikano.

Un di e proposishonnan ta rekerí verifikashon di antesedente den tur transakshon ku un arma di kandela. E gobernador republikano Mike DeWine a bisa u e ta sostené un medida similar.

E segundo proyekto di eli ta oumentá e edat mínimo pa kumpra tur arma na 21. E proposishon lo no konta pa militarnan ni agentenan polisial.

Departamento di Hustisia a informá djaluna ku un amigu di e atakante di Ohio lo wòrdu akusá pa gaña den un formulario federal pa atkerí arma di kandela. Segun outoridat, e amigu di Connor Betts a kumpra un chaleko antibala i asesorionan relashoná na komienso di aña. Betts di 24 aña a tira nuebe persona mata, inkluyendo su ruman muhé i ocho persona mas.

LAGA UN KOMENTARIO

Please enter your comment!
Please enter your name here