WILLEMSTAD.- Dos integrante músiko ku a biaha pa Ulanda pa un fiesta ku ta tuma lugá mayan, a keda detené na Schiphol. Segun informashonnan ku EXTRA ta dispone di dje, parse ku ta detenshon relashoná ku droga.
Un di nan ta un yu di Kòrsou ku ta toka trombon miéntras e otro ta un kubano pero ku hopi aña bibando na Kòrsou i ta toka trompèt.
Nan dos a bai pa toka ku un banda popular pa un fiesta ku ta tuma lugá mayan djasabra. EXTRA a komprondé sinembargo ku nada lo stroba e fiesta pa sigui, i lo remplasá e dos integrantenan ku otro dos músiko.
Nos ta evitá di menshoná nòmber di e banda ya ku e banda no tin nada di aber ku e aktuashon di e dos integrantenan menshoná i EXTRA no ta kere ku mester pone e banda den lus negativo.
