LONDON, AP.- Polis di Northern Ireland a detené dos adolesente relashoná ku morto di un periodista durante disturbionan resien den e siudat di Londonderry.
E hòmbernan, di 18 i 19 aña a wòrdu detené konforme legislashon antiterorista i transportá pa Belfast pa wòrdu interogá, segun indikashon di Departamento di Polis di Northern Ireland.
E hòmbernan no a wòrdu identifiká ni akusá. E departamento a agregá ku ta buskando vários sospechoso.
Lyra McKee, di 19 aña, un estrea den periodismo di investigashon, a muri probablemente pa un bala pèrdí, dirigí pa polis, durante disturbionan di djaweps anochi den área di Creggan.
Polis a bisa ku e grupo republikano IRA Nobo, probablemente ta esun responsabel pa e morto. E suphefe di polis, Mark Hamilton a konsiderá e echo komo “un akto terorista”.
Algun polítiko ta pensa ku e insertidumbre tokante Brexit i e posibel reintrodukshon di un “frontera fuertemente vigilá” entre Northern Ireland i Repúblika di Irlanda ta alimentando tenshonnan den e region.
IRA Nobo ta un grupo di republikano chikitu ku ta rechasá e akuerdo di pas di 1998, kaminda Ehérsito Republikano Irlandes a marka adopshon di un solushon polítiko pa añanan largu di violensia ku a laga mas di 3.700.
