SAN SALVADOR (AFP).- Dos tòn di kokaina a keda konfiská pa Marina Nashonal di El Salvador i a demente tres kolombiano ku ta den e boto den Pasífiko, segun e presidente salvadoreño Nayib Bukele.
“Nos Marina Nashonal a realisá un konfiskashon nobo di droga ora ku a interseptá un embarkashon ku 3 tripulante di nashonalidat kolombiano, ku tabata transportá 2 to di kokaina, balorá na 50 mion dollar”, segun Bukele a skirbi riba ret sosial X.
E boto a keda interseptá na 752 km. zùitwèst di Bocana El Cordoncillo, dje siudat Jaltepeque, segun e gobernante, ku a publiká potrètnan di e boto ku e tres detenidonan bou di kustodia polisial.
Ku e operashon aki, “den último 8 lunanan nos a konfiská mas ku 15 tòn di kokaina riba laman internashonal, ku balor di 380 mion dollar”, segun e presidente a bisa mas aleu.
El Salvador, meskos ku sobrá di Sentroamerika, ta keda usá pa manda droga for di Suramérika pa merkado di Merka i Europa, segun outoridatnan.
