WILLEMSTAD – Durante e ora di mayor tráfiko awe mèrdia, alrededor di 12’or, dos turtuka a dañá riba un di e brùg Juliana kousando un tráfiko enorme. Debí ku e dos tuktuknan no por a sigui nan kaminda normalmente, nan a bira un opstákulo riba brùg i esaki a influensiá fluho di tráfiko konsiderablemente. E dos tuktuknan di kual unu a keda para nèt na tòp di brùg. Por usa solamente un liña i tur hende ta komprondé kaba kiko esaki ta nifiká pa e tráfiko di 12or nèt na momentu ku mester buska muchanan na skol òf nèt pa lunch. Den poko tempu e fila di outonan a kuminsá bira kada bes mas largu, ku tráfiko ku a afektá e área durante un di e momentunan mas okupá di dia. Miéntras ku e tráfiko tabata kousa molèster pa outomobilistanan, tabata hasi esfuerso pa kita e vehíkulonan daña for di kaminda i normalisá tráfiko.
Te na e momentu aki no tin informashon kiko eksaktamente a kousá ku e dos tuktuknan a daña kasi simultaniamente.
E insidente un bia mas ta mustra kon vulnerabel tráfiko riba brug ta, spesialmente durante ora haltu, kaminda un solo opstákulo por kousa un retraso grandi den poko tempu.
