WILLEMSTAD.- Dos yu’i Kòrsou prosedente di Amsterdam a keda sentensia den Korte di Apelashon na Maròko un bia mas na Pena di Morto. Segun Korte na Maròko Shardyone Semeleer i Edwin Martina ta wòrdu usa komo maton pa bai likidá un rival di Ridouan Taghi. Korte di Promé Instansia di Marokko den yüni 2019 a kondená nan na pena di Morto kaba, pero Semeleer i Martina ta para riba nan inosensia.
E dos akusadonan, ku ta amigu for di infansia den Amsterdam Zuidoost, ta bisa ku nan tabata na Maròko di vakashon, pues nan no tin nada di aber ku e tiroteo ku defakto a bai robes.
Segun Korte e meta tabata pa asesiná un tal Mustapha “Moes” F. ku ta doño di un “kofibar” luhoso La Créme den e bario Marrakesh, kaminda ku e krímen a tuma lugá. Mustapha ku tabatin un T-shirt blanku bistí, tabata sintá den su teras, pero a lanta i bai sinta un otro kaminda, ora ku e dos matonnan a yega, nan no ta pèrdè pa gana i ta lòs bala dirigí riba e persona ku ta sinta den e stul ku un ratu promé Mustapha tabata sintá ku tambe tin un T-shirt blanku bistí. E persona aki ku tabata sintá ku su partner no ta skapa e atentado riba su persona. Su partner a keda seriamente herida i tabata den situashon kritiko, pero e ta skapa.
