BERLIN, AP.- Dos leon a hui di un parke di bestia na Alemania i algun ora despues a logra kapturá un i e otro mester a keda sakrifiká.
E animalnan a logra sali di nan kouchi den oranan di anochi i tabata den e kompleho mes, asina Leipzig e agensia di notisia a informá. Poko despues outoridatnan a informá ku a kapturá un di e leonnan i e otro mester a keda matá.
Pero e direktor di e parke di bestia Joerg Junhold a bisa na e agensia DPA ku debí na e trankilisante el a muri. “Den e kaso aki, e seguridat di hende tabata promé”, asina Junhold a agregá. E parke no a habri pa públiko te ora a logra haña e leonnan i komo tal mester a apliká nan plannan di emergensia.
E dos leonnan machu Majo i Motshegetsi a nase aña pasá na e parke di bestia Basilea i for di ougùstùs nan ta na Leipzig. No ta konosí ta kua di nan dos a muri.
