BOGOTA, COLOMBIA, AP.- Un koronèl i un mayor retirá den ehérsito kolombiano a wòrdu akusá pa su supuesto responsabilidat pa asesinato di dos hòmber. Na aña 2005 nan a wòrdu reportá falsamente komo gueriero morto den kombat e . Asina Fiskal General a informá djárason.
Fiskal a kuminsá un investigashon na aña 2008 i a establesé ku 4.000 persona tabata víktima di ehekushonnan ekstrahudisial konosí komo “falsu positivo” kaminda militarnan ta reportá morto di sivilnan komo personanan ku a muri durante un kombate militar. Vários sentenar di militar aktivo i retirá ta wòrdu investigá pa e echonan aki. Ya kaba shete teniente koronèl i kuater koronèl a wòrdu kondená.
Awor, esnan akusá ta koronèl retirá Jose Alejandro Besil i Jimmy Antonio Coral, kende a wòrdu akusá òf yamá pa aparesé den korte pa delito di asesinato di Deibi David Orozco, di 22 aña i tambe Heber Antony Palacio di 15 aña. Ambos akusado ta detené den prisònnan militar.
Dia 14 di mei na aña 2005, dos hóben a wòrdu saká di un finka den un supuesto operashon kontra rebeldenan di FARC.
Test igunan a bisa Fiskal ku ta e militarnan a kuminsa un kombate despues di a detené e muchanan aki.
Segun e konklushon di fiskal na kargo di e kaso, “e morto di e víktimanan no tabata debí na un kombate di trupa pero mas bien, esaki tabata e resultado di akshonnan di militarnan ku tabata riba tereno di e akontesimentunan”.
