MILAN, ITALIA, AP.- Dos tren di pasahero, kada unu ku kuater wagòn, a dal frontal djamars den e region Puglia na Italia. Esaki a mata por lo ménos 22 persona segun informashon di outoridat. Dos pasahero a keda reskatá ku bida entre e ruinanan miéntras e ekipo di reskate tabata trahando den un solo fuerte. Tin 43 persona heridá.
E komandante di trein Giancarlo Conticchio a bisa na Sky TG4 ku tabatin 22 morto i a atvertí ku e sifra por subi. E dos treinnan a dal den ora di mèrdia entre e pueblo di Andria i Cirat, riba un ruta ku solamente un trayekto pa trein. E aksidente a tuma lugá den oranan di 11:30 di mainta.
“Esaki ta un desaster, ku ta parse manera un avion a kai”, asina e alkalde Massimo Mazzilli a bisa riba su página di Facebook. El a publiká potrètnan di e aksidente.
Un pòtrèt a mustra e wagònnan plèchá den otro manera un akordion. Ekiponan di reskate tabata saka víktimanan di e restunan, inkluyendo un mucha na bida, segun dòkternan a indiká. Esenanan di video tabata mustra ambulans i personal di emergensia na e sitio.
Ekiponan médiko a instalá un hospital di tènt riba kamponan den serkania pa asina atendé e gran kantidat di personanan herida, di kual algun a keda transportá pa hospital.
