MINEOLA, NEW YORK, MERKA, AP.- Un universidat na New York ta usando drone pa mehorá salú di habitantenan di zonanan aislá di Madagascar.
Universidat Stony Brook, ku tabata trahando den e nashon insular dilanti kostanan di Afrika durante kasi tres dékada, a kombiná esfuerso ku un empresa di Michigan yamá “Vayu Inc.”, ku e intenshon di trasladá spesimen biológiko pa someté nan na pruebanan di laboratorio.
E ekipo a realisá su promé prueba eksitoso ku e avionnan na final di yüli.
E diagnóstikonan di enfermedat manera parasitnan ku ta kousa desnutrishon den pueblonan di e isla, awor por wòrdu realisá den algun ora, segun dòkter Peter Small, direktor fundadó di e Instituto di Salú Mundial di e Universidat di Stony Brook.
E ‘drone’ nan ta mas o ménos e tamaño di un mesa i ta poseé dos par di ala. Nan ta lanta i aterisá meskos ku helikòpter i tin un rango di buelo di 65 kilometer. Muestranan di sanger por wòrdu poné den kompartimentunan chikitu den e aparato.
E ‘drone’ nan ta wòrdu usá rònt mundu pa desaroyo i pa tres medikamentu i otro suministronan den zonanan aislá, pero Stony Brook ta sigurá ku su proyekto ta e promé den e avionnan no tripulá ku ta aterisá den pueblonan aislá i ta regresá rápidamente na laboratorio.
Pa yega den e pueblonan, e profeshonalnan di medisina mester kana distansianan largu na pia, den zonanan ku no tin sendero i tin biaha kanando sinku pa nuebe ora. Usando un drone, nan por despachá spesimen pa ValBio di Stony Brook i haña e resultadonan den un òf dos ora. Asina Patricia Wright, direktor ehekutivo di e lokal sientífiko a indiká.
