WILLEMSTAD.-Vários pòst di duana na Kòrsou ta plat awe. EXTRA a tuma nota ku na aeropuerto Hato si tin duana, pasobra di otro forma aeropuerto lo no por a sigui ku nan operashon normal di e dia aki. For di mainta por a tuma nota ku duaneronan a bai na e edifisio di duana na Koningsplein, esta Nieuwe Haven. EXTRA a komprondé ku trahadónan di duana di otro pòstnan tambe lo a bai Nieuwe Haven. Pa no stanka aeropuerto a logra pone un tim chikitu na Hato tanten. Riba e foto por mira ku portanan di FreeZone ta sera.
Riba e pregunta kiko ta e problema a bini dilanti ku aparentemente lo ta preparando pa duana bai den edifisio na Saliña, kaminda ántes tabata Wimco. Keda pendiente i EXTRA lo trese e detayenan.
