E 6 videonan mas skuchá riba YouTube ta na spañó

... Daddy Yankee ...

MERKA.- E seis videonan musikal mas skucha riba YouTube rònt mundu den 2019 tabata den e idioma spañó, asina e YouTube a informá ayera. ‘Con Calma’ di e artista portorikeño Daddy Yankee a logra e promé lugá siguí pa ‘Con Altura’ di Rosalia i J Balvin.
E video ofisial di ‘Con Calma’ a keda poné riba e portal dia 23 di yanüari 2019 i a akumulá 1.603 mion di views, 7.8 mion di ‘likes’ i kasi 300 mil komentario.
Di su banda ‘Con Altura’ ku a keda poné riba e portal dos luna mas lat, a keda mirá pa 1.140 mion di bia, risibiendo 5.1 mion di ‘likes’ i 182 mil komentario di esnan ku a mira e video.
Despues di nan dos ta sigui tambe na spañó e tema ‘Secreto’ di Anuell AA i Karol G; ‘China’ di Anuel AA, Daddy Yankee, Karol G, Ozuna i J Balvin; ‘No me Conoce’ (Remix), di Jhay Corez, J Balvin i Bad Bunny; i ‘Señorita’ di Shawn Mendes i Camila Cabello.
E tòp 10 di videonan musikal ta keda kompletá pa, kansionnan na ingles: ‘Maari 2 – Rowdy Baby’; ‘Kill this Love’; ‘Bad Guy’ i ‘7 Rings’.

SHARE

LEAVE A REPLY