WILLEMSTAD.- Eksitoso promé anochi di ‘Kosecha Kultural 2018’ na Landhuis Bloemhof. Ayera tabata fecha pa e promé dia di Kosecha Kultural 2018, un evento organisá pa Prins Bernhard Cultuurfonds Caribisch Gebied.
Landhuis Bloemhof ta sitio dje aktividat kaminda un kantidat basta grandi di artista a presentá nan obranan interkambiá ku vários tarima kaminda músikonan lokal i di Boneiru a duna un presentashon.
Asistà awe na e di dos fecha di ‘Kosecha Kultural’, bo donashon ta hasi posibel pa sigui promové i duna sosten na arte, kultura i inisiativanan partikular riba e 6 islanan den Karibe. Kumpra bo ‘boton’ serka un dje artistanan partisipante i kontribuà i sostené Prins Bernhard Cultuurfonds Caribisch Gebied. Riba foto algun imágen dje promé anochi di ‘Kosecha Kultural 2018’.
