WILLEMSTAD.- E promé edishon di eksibishon di ‘Design Week Curaçao’ kaminda e focus ta riba diseño riba nivel profeshonal tantu lokal komo internashonal.
E evento ta kontené eksibishon ku lo tuma lugá den ‘Miami Building’ na Skalo abou, eksibishon di potrèt den e edifisio di eks Casa Moderna (Uniarte) den Punda i un eksibishon históriko na N.A.A.M. den Pietermaai.
Produktonan i Diseñonan di trahe di Kòrsou ku lo keda presentá ta di: Eveline Sipkes, Francine O’Connor, Lisette Keus, Marianne van Ommen, Giovani Abath, Junaiska Geferts, Roberto Tjon-A-Meeuw, Suzette Rosaria, Angeli Vergeli, Beck Jewels, Cleo Maxime, Eugene Maduro, Marie-Louise Klijn, Mateo Mariani, Tatiana Felix, Francis Victor Sling, Wendell Elisabeth, Inonge Andala i Juan Carlos Padrino.
Aruba
Di Aruba lo tin partisipashon di: Elisa Lejuez, Gionina Ghislaine Engelhardt, Merveline Geerman-Giel i Rhona Lemminga.
Ulanda
Partisipantenan di Ulanda lo ta: David Paulus, Rushemy Botter, Jermick Wawoe, Michelangelo Winklaar, Anbasja Blanken, Dauvia Nijnenhuis, Dorry Timmermans, Gregorie Bolder, Joyce Verhagen, Kasper Jongejan, Monique Dessar, Nawed Elias, Niki Bierling Van de Berg, Sara-Louise van Velse, Shivra van Baast, Vida Soheili, Adinda Anna Bongers i Annalie van Doorn.
Fotógrafo
Fotógrafonan partisipante ta: Richard Terborg (CUR/NL), Kevin Osepa (CUR/NL) Paco Nuñez (NL), Brett Russel (CUR) Grayson Visceiza (CUR) i Rowald de Graaff (AUA).
Kada aña lo skohe un tema diferente. E aña aki ta presentá ‘Fashion and Product design’.
Kòrsou ta kresiendo na diseñadónan i e meta ta pa pone esaki den spòtlait serka e públiko, demostrando dje forma aki kuantu trabou i kresementu den futuro lo tin pa diseñadónan lokal.
Apertura lo tuma lugá dia 31 di òktober i lo konta ku presensia di Minister Steven Martina di Desaroyo Ekonómiko i Minister di Kultura i Edukashon, Sra. Alcalá-Wallé lo tin e seremonia di apertura na nan enkargo. Apertura lo tuma lugá na ‘Miami building’ na Skalo i sobrá dje anochi lo ta na ‘Fleur de Marie Eatery’.
