Minister Zita Jesus-Leito den un reakshon
‘E sèn ta riba kuenta’ awe mi ta haña konseho
WILLEMSTAD.- ‘DEN E BEMBE’ ayera nochi a logra di drenta den kontakto ku Minister Zita Jesus-Leito relashoná ku e komunikado di AGKK kaminda ta indiká ku probablemente e sèn di prekario lo mester a disparsé.
Den su promé reakshon Minister Jesus Leito a indiká ku no ta bèrdat ku e sèn a disparsé. ‘E sèn ta riba e kuenta, úniko kos ku nan ta bezig i pa mañan, esta awe djabièrnè, mi ta haña un konseho pa kaba di atendé e pago di prekario. Mester hasi kontrol, esei ta kedando kla promé ku paga. Mi ta komprondé ku nan no tin pasenshi i ke haña nan sèn’, asina Minister a splika.
‘Mihó e kontròl promé pa evitá ku despues por bin remarke ku e sèn no ta kuadra’, asina sra. Zita Jesus-Leito a terminá bisando.
