WASHINGTON, AP.- Presidente Donald Trump  ta drentando den un siman masha difísil den Kas Blanku, lidiando ku un reforma di lei nobo di salú i proksimidat di un plaso presupuestario. Tur esaki ta kompliká ku un konfrontashon potensial entre demókratanan i riba fondo pa finansiá muraya na frontera.

Djasabra awor e gobièrnu ta kumpli ku e promé 100 dianan di gobièrnu. Esaki ta e mesun dia ku gobièrnu por paralisá si no yega na un akuerdo riba presupuesto. Trump a anunsiá un konsentrashon polítiko na Pennsylvania e dia ei.

Apesar di Trump su komentario, ku e marka di 100 dia ta “artifisial”, Kas Blanku ta planiando un siman kargá ku aktividat promé ku djasabra. Trump lo firma òrdunan ehekutivo riba energia i polítika rural. Vários kolaborador di e presidente lo biaha den e pais pa promov’é.

Djadumingu, vários a indiká den programanan di notisia ku e finansiamentu di muraya na frontera ku México i un votashon riba asuntunan pa anulá i reemplasá lei di salú di Barack Obama ta un prioridat i a indiká ku esaki por evitá un siere di gobièrnu.

LAGA UN KOMENTARIO

Please enter your comment!
Please enter your name here