NICE, FRANSIA, AP.- Un di e konsekuensianan mas devastador di e atake na Nice tabata ku desena di morto òf herido ta muchanan ku a selebrá mirando vürwèrk pa dia di Bastille.
E hospital infantil di Nice a atendé 50 mucha i adolesente despues di e atake di djaweps anochi, inkluyendo dos ku a muri durante operashon. Sinku ta den kondishon kritiko, segun Stephanie Simpson, direktor di komunikashon di hospital Lenval Foundation.
“Ainda tin algun entre bida di morto”, asina el a agregá.
E muchanan ta parti di 84 persona morto i 202 herida ku a laga un hòmber identifiká pa polis komo Mohamed Bouhlel, kende a manehá un trùk grandi atraves di un kaya yen di persona djaweps anochi. Polis a tir’é mata. Te ainda e motibunan di Bouhlel no ta konosí, ounke e promé minister franses Manuel Valls a bisa ku “sin duda esaki tabata vinkulá ku islam radikal”.
