QUITO, ECUADOR, AFP.- Ecuador a deklará ku ta den alerta kòrá den 193 di su 221 siudatnan, inkluyendo e siudatnan di mas popular manera Quito i e haf Guayaguil i a suspendé skolnan esaki konfrontando un oumento di kasonan di COVID-19.
E medida ku lo keda analisá dia 21 di yanüari, ta debí na e kontagionan ku ta subiendo di 4 mil den siman di Pasku pa mas di 42 mil den e di dos siman di yanüari, asina e vise minister di salú Jose Ruales a indiká.
El a agregá ku e kantidat di kontagio ta esun di mas haltu ku nan a mira for di inisio di e pandemia na Ecuador, ora a deklará e presensia di e vírus na febrüari 2020.
Te ku 2021 e rèkòrt semanal di kontagio tabata 13.037, esaki di 25 di aprel pa 1e di mei, segun e universidat merikano Johns Hopkins.
Ecuador ku 17,7 mion di habitante a registrá 614.032 kaso ku ta ekivalente na 3469 pa kada 100 mil persona i 34.219 morto i ta bira e di 7 nashon latinoamerikano ku mas morto debí na COVID-19 segun e konteo di AFP a base di sifranan ofisial.
