QUITO, ECUADOR, AFP.- Indigenanan di Amazonia di Ecuador a liberá kuater ofisial i dos sivil ku a wòrdu sekuestrá komo forma pa protestá pa entrega di e kadaver di un lider ku a muri dor di Corona vírus, segun indikashon di e minister Maria Paula Romo.
E hecho a sosodé djaweps den e pueblo Kumay.
El a agregá ku e “negosiashonnan” pa logra e liberashon aki a wòrdu guia pa e komandante di Polis, general Patricio Carrillo. E ofisial a agregá riba Twitter ku dos polis, dos militar i dos sivil a wòrdu hospitalisá pa un evaluashon médiko.
E indigenanan ta eksihí pa outoridat entrega kadaver di un di su lidernan ku a fayesé ku posibel Corona vírus. E lider a wòrdu dera konforme e protokòl di bioseguridat pa víktimanan di e pandemia.
Ecuador ta un di e paisnan latinoamerikano mas afektá pa e pandemia ku 61.535 kaso, inkluyendo 4.769 morto. Outoridat a reportá 3.192 kaso sospechoso di posibel víktimanan ku a muri di covid-19.
