Entiero dje 11 soldánan di Ecuador matá pa disidentenan di e grupo gueriero FARC pegá ku frontera ku Colombia.
QUITO, Ecuador (AFP).- Ecuador a manda mas ku 1.500 militar den un área di Amazon pa lokalisá e disidentenan di gueria kolombiano di FARC ku a mata 11 sòldá den un operashon kontra di kobamentu ilegal pa buska mineral .
Rebeldenan dje grupo “Comandos de la Frontera”, ku ta negoshá pas ku gobièrnu di presidente kolombiano, Gustavo Petro, djabièrnè último a ataká un eskuadron di ehersito i a ataká nan ku fusil, granada i eksplosivo.
“Nos ta bai ku tur kos. E guera kontra di esnan mal hende ta intensifiká”, segun e ministerio riba ret sosial X refiriendo na e atake den e zona di selva konosí komo Alto Punino, den e provinsia di Orella, na frontera ku Perú.
“Esnan uniformá i forsanan spesial, inteligensia i kontra terorismo lo tin e mishon pa lokalisá i neutralisá e grupo kriminal ku di forma kobarde a atentá kontra di un ekipo di 20 militar”, segun el a agregá.
E gobièrnu a deklará e sòldánan ku a muri komo herunan nashonal i a ofresé un rekompensa di kua e montante no a keda presisá, pa esnan ku entregá informashon relashoná ku esnan responsabel.
E insidente a laga un gueriyero tambe morto, identifiká komo “Compadre”, komandante dje organisashon kriminal di Ecuador.
“E persona akí ta responsabel pa e kontròl di aktividatnan ilegal di kobamentu pa buska mineral den e pais i tambe ta kobra mineronan legal pa ekstorshon”, segun a keda tresé dilanti.
“Comapadre tabatin un grupo di 30 hòmber i tabatin relashon ku e gèn ekuatoriano Los Lobos. Den e zona tin otro gruponan kriminal manera Los Choneros, Tiguerones i
Comando Vermelho, un dje gruponan narko mas poderoso di Brasil.
