QUITO, ECUADOR, AFP.- E presidente di Ecuador, Lenin Moreno a designá un minister nobo di salú despues ku minister Juan Carlos Zevallos a renunsia pa motibu di un skandal ku suministro di e vakuna kontra COVID.
E gobernante, kende su mandato lo kaba riba 24 di mei a designá dòkter Rodolfo Farfan, kende tin e puesto di vise-minister di Atenshon Integral di Salú segun un dekreto publiká pa e sekretaria di Komunikashon.
Moreno a aseptá renunsia di Zevallos kende a baha djabièrnè i biaha pa Merka siguiente dia segun prensa.
Zevallos, kende a okupá e puesto di Minister di Salú den mart 2020 ta bou di investigashon pa motibu ku el a vakuna su famia ku e promé dósisnan ku e gobièrnu a importá.
Ecuador a haña 42.000 dósis di e vakuna di Pfizer-BoNTech pa inyektá personal medio di e pais i tambe kasnan di ansiano segun e plan di gobièrnu.
E situashon a empeorá durante último dianan despues ku a sali na kla ku diferente persona mas ku no tabata riba e lista di prioridat a vakuná. Esaki ta inkluí veteranonan periodista i dirigentenan di deporte. E eks funshonario a señalá na prensa ku e lista di e personanan ku a vakuna ta konfidensial.
